Institut rektori tomonidan 2024-yil 28-avgustda tasdiqlangan “2024-2025-o‘quv yili davomida yoshlar masalalari va ma’naviy-ma’rifiy ishlar yo‘nalishida amalga oshiriladigan vazifalar bo‘yicha yillik kalendar reja”sining 103-bandi ijrosini ta’minlash maqsadida 2024-yil 10-oktabr kuni “Zakovat” intellektual o‘yini o‘tkazildi. Tadbirda Yoshlar bilan ishlash, ma’naviyat va ma’rifat bo‘limi boshlig‘i M.Xolbekova, fakultetlarning Yoshlar masalalari bo‘yicha dekan o‘rinbosarlari, tyutorlar, institut boshlang‘ich tashkiloti yetakchilari va koordinatorlari hamda talaba-yoshlardan iborat jamoalar ishtirok etdi. Yoshlar bilan ishlash, ma’naviyat va ma’rifat bo‘limi boshlig‘i M.Xolbekova intellektual o‘yinni ochib berib, yurtimizda yoshlarga oid bir qancha islohotlar amalga oshirilib kelinayotganligi, shuningdek, institutda ham talaba-yoshlarning bo‘sh vaqtini mazmunli tashkil maqsadida bir qancha ma’naviy-ma’rifiy tadbirlar, turli xil ko‘rik-tanlovlar, ularning dunyoqarashini yanada kengaytirish uchun adiblarning kitoblari asosida har hafta kitobxonlik tanlovlari o‘tkazilib kelinayotganligini ta’kidlab o‘tdi. Shundan so‘ng intellektual o‘yin boshlandi. Intellektual o‘yinda fakultetlardan quyidagi jamoalar ishtirok etdi. Energetika muhandisligi fakultetidan: “Beruniy” jamoasi; “Omadlilar” jamoasi; “Kelajak” jamoasi; “Energetik” jamoasi; Kibersport fakultetidan: “Buxgalterlar” jamoasi; “Bilimdonlar 1” jamoasi; “Bilimdonlar 2” jamoasi; “Iqtisodchilar” jamoasi; “Yosh ijodkorlar” jamoasi; Kimyo muhandisligi fakultetidan: “O‘zbegim” jamoasi; “Metallurgiya” jamoasi; “Zukkolar” jamoasi; “Atom” jamoasi; Qurilish muhandisligi fakultetidan: “Intellekt” jamoasi; Transport muhandisligi fakultetidan: “Everest” jamoasi; “Benom” jamoasi; “Logistika” jamoasi; “Yulduzlar” jamoasi; Sanoat texnologiyalari fakultetidan: “Temuriylar” jamoasi; “Liderlar” jamoasi; Intellektual o‘yin yakunida I o‘rinni Kibersport fakultetining “Yosh ijodkorlar” jamoasi, II o‘rinni Transport muhandisligi fakultetining “Logistika” jamoasi, III o‘rinni Sanoat texnologiyalari fakultetining “Temuriylar” jamoasi egallashdi.