Eng ulug‘, eng aziz bayram – Mamlakatimiz mustaqilligining 34 yillik bayramiga tayyorgarlik ko‘rish, atrof-muhitni asrab-avaylash va sog‘lom turmush tarzini targ‘ib qilish maqsadida yurtimiz bo‘ylab 22–23 avgust kunlari “Obod va fayzli mahalla – yurt ko‘rki” shiori ostida umumxalq xayriya hashari o‘tkazilmoqda.

Bugun erta tongdan Jizzax politexnika institutida ham xayriya hashariga start berildi.

Hashar davomida professor-o‘qituvchilar va xodimlar tomonidan o‘quv binolari hududi, ichki qismi hamda auditoriyalar tartibga keltirilib, tozalash va obodonlashtirish ishlari olib borildi.

Hashar ishlarida ekofaol talabalar ham munosib ishtirok etdi. Ular tomonidan atrof-muhitni asrab-avaylash va muhofaza qilish borasida bir qator ishlar amalga oshirildi.