Joriy yilning 7-noyabr kuni Energetika muhandisligi fakultetida institut rektori tomonidan 2024-yil 28-avgustda tasdiqlangan “2024/2025-o‘quv yili davomida yoshlar masalalari va ma’naviy-ma’rifiy ishlar yo‘nalishida amalga oshiriladigan vazifalar bo‘yicha yillik kalendar reja”ning 184-bandi ijrosini ta’minlash maqsadida "Najmiddin Kubro - jasorat va oliyjanoblik namunasi" mavzusida ma’naviy-ma’rifiy tadbir tashkil etildi. Tadbirda Energetika muhandisligi fakulteti Yoshlar bilan ishlash bo‘yicha dekan o‘rinbosari B.Mamatqulov, "Ijtimoiy fanlar" kafedrasi dotsenti X.Xidirov, fakultet tyutorlari hamda talaba-yoshlar ishtirok etdi. Tadbirda so‘zga chiqqanlar ulug‘ shayx, tasavvufning taniqli vakillaridan biri, kubroviylik tariqatining asoschisi Najmiddin Kubroning hayoti va ijodi, amalga oshirgan ishlari to‘g‘risida batafsil ma’lumotlar berib o‘tishdi. Fakultetning iqtidorli talabalari tomonidan tayyorlangan sahna ko‘rinishi qo‘yib berildi. Talaba-yoshlarga allomaning amalga oshirgan ishlariga bag‘ishlangan videorolik namoyish etildi.