Jizzax politexnika instituti Korrupsiyaga qarshi kurashish “Komplayens nazorat” tizimini boshqarish bo‘limi xodimlari hamda institutning Kibersport fakulteti ma’sullari hamkorligida sirtqi ta’lim yo‘nalishlariga 1-bosqichga qabul qilingan talabalar bilan suhbat tashkil etildi. Suhbat davomida talabalarga OTMlarda faoliyat olib borayotgan Korrupsiyaga qarshi kurashish “Komplayens nazorat” tizimini boshqarish bo‘limlari vazifalari, institut hududida tashkil etilgan Adolat qutilari, bo‘lim xodimlarining ishonch raqamlari va ularga xabar yetkazish tizimlari to‘g‘risida tushuntirishlar berildi. Shuningdek, davra suhbati davomida talabalar tomonidan berilgan savollarga javoblar berildi. Bu kabi tadbirlarni o‘tkazish davom etadi.