Talabalarning ma’naviyatini yuksaltirish ularda turli yot g‘oyalarga qarshi immunitetni shakllantirish maqsadida institutda tahsil oluvchi talaba-yoshlar ishtirokida “Jaholatga qarshi ma’rifat”, “Yoshlarni ekstremizm g‘oyalaridan asrash – barqarorlik omili!”, “Internetda ekstremizm g‘oyalari targ‘ibotidan ehtiyot bo‘ling” mavzularida Jizzax viloyat hamda shahar IIB Terrorizmga qarshi kurash bo‘limi xodimlari bilan hamkorlikda targ‘ibot tadbirlari o‘tkazilib kelinmoqda. Jizzax politexnika institutida navbatdagi tadbir “Jaholatga qarshi ma’rifat” mavzusida bo‘lib o‘tdi. Tadbirda Jizzax shahar Terrorizmga qarshi kurashish tezkor xodimi S.Bultakov, institut profilaktika noziri I.Bo‘riyev, tyutor T.Dungalov hamda talaba-yoshlar ishtirok etdi. Tadbirda so‘zga chiqqanlar mavzu yuzasidan batafsil tushuncha va tavsiyalar berishdi. Uchrashuv so‘ngida talabalar tomonidan berilgan savollarga mas’ullar yetarlicha javoblar berishdi.