O‘zbekiston Respublikasi Vazirlar Mahkamasining “Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibini takomillashtirish chora-tadbirlari to‘g‘risida” 2021-yil 17-sentabrdagi 572-son qaroriga asosan Jizzax politexnika institutida malaka (test) sinovlari bo‘lib o‘tmoqda. Test sinovlari kuniga ikki smenada o‘tkazilmoqda: 1-smena — 09:30 dan 11:30 ga qadar; 2-smena — 14:30 dan 16:30 ga qadar. Test sinovlari to‘liq videokuzatuv ostida onlayn translyatsiya qilinmoqda va jarayonlarni onlayn kuzatib borish imkoniyati yaratilgan. Test jarayonlarini oʻtkazish uchun kompyuterlar shay holatga keltirilgan. Jarayonlar shaffofligini ta‘minlash maqsadida universitet korrupsiyaga qarshi kurashish “Komplayens-nazorat” tizimini boshqarish bo‘limi nazorat qilib bormoqda.