2024-yil 3-avgust kuni Jizzax politexnika institutining "Politexnik" jamoasi uchun juda muhim hisoblangan final uchrashuvi bo‘lib o‘tdi. Mazkur final uchrashuvida "Politexnik" jamoasi "Mudofaa" jamoasini yirik 5:1 hisobida mag‘lub etib, musobaqa chempioniga aylandi. Maʼlumot uchun, mazkur jamoalar final uchinchi marta bellashdi. Undan oldingi 2 ta uchrashuvda ham "Politexnik" jamoasi 8:4 hamda 8:2 hisoblarida g‘alaba qozongan. Final uchrashuvi yakunida jamoalarning taqdirlash marosimi bo‘lib o‘tdi. 54 ta jamoa ishtirok etgan mazkur musobaqa joriy yilning yanvar oyida start olgan bo‘lib, yakunda 1-o‘rinni "Politexnik", 2-o‘rinni "Mudofaa", 3-o‘rinni "Yagona buyurtmachi" va 4-o‘rinni "Sharof Rashidov tumani" jamoalari qo‘lga kiritishdi. Taqdirlash marosimida Jizzax viloyati hokimi Ergash Alibekovich Saliyev so‘zga chiqib, musobaqada yuqori o‘rinlarni egallagan jamoalarni tabrikladi va Jizzax futbolidagi erishilgan bu mavsumgi bir qator yutuqlar sarhisob qilindi. Yakunda musobaqa eng yaxshilari munosib tarzda taqdirlanishdi va 1-o‘ringa "Chery 7 pro" avtomobili, 2-o‘rinni egallagan jamoaga 100 million so‘m pul mukofoti, 3-o‘ringa esa 75 million so‘m pul mukofoti hamda 4-o‘rinni egallagan jamoaga 43 hajmdagi televizor topshirildi. Fotogalereya: https://t.me/jizpi_online/31328