O‘zbekiston Respublikasi Oliy Majlisi Qonunchilik palatasi Fan, ta’lim, madaniyat, sport va yoshlar masalalari qo‘mitasining a’zosi Yakubov Shuhrat Ummataliyevich Jizzax politexnika institutining muqobil energiyalarni tadqiq etish ilmiy-amaliy markazi faoliyati bilan tanishdi. Shuningdek, talabalar turar joyida yashayotgan talabalar bilan suhbat qurdi. Suhbat davomida talabalar bilan savol-javoblar uyushtirib, ularning olayotgan bilimlari, bo‘sh vaqtlarini qanday o‘tkazayotganliklarini hamda ular o‘qiyotgan kitoblar to‘g‘risida suhbatlashdi. Talabalar tomonidan ijro etilgan she’r va qo‘shiqlarni tinglab, ularga yuqori baho berdi. Talaba-yoshlar bilan uchrashuv ko‘tarinki ruhda bo‘lib o‘tdi.