Davlatimiz rahbarining mamlakatimiz yoshlari bilan o‘tkazgan tarixiy uchrashuvlarida berilgan imkoniyat va imtiyozlarini yoshlar orasida keng targ‘ib qilish maqsadida viloyat yoshlar tashkilotlari rahbarlari hamda talaba-yoshlar o‘rtasida uchrashuv tashkil etildi. Mazkur tadbirda Yoshlar ishlari agentligi Jizzax viloyati yoshlar ishlari boshqarmasi boshlig‘i M.Rahmonberdiyev, O‘zbekiston yoshlar ittifoqi Jizzax viloyati Kengashi raisi M.Rahmatov, Yoshlar ishlari agentligi Jizzax viloyat boshqarmasi Ta’lim muassasalarida yoshlar bilan ishlash va volontyorlik faoliyatini rivojlantirish bo‘yicha bo‘limi boshlig‘i A.Rabbimov, institut Yoshlar masalalari va ma’naviy-marifiy ishlar bo‘yicha birinchi prorektori S.Eshbekova, Yoshlar bilan ishlash, ma’naviyat va ma’rifat bo‘limi boshlig‘i M.Xolbekova, tyutorlar, yetakchi va koordinatorlar, “Qalqon” jamoatchilik guruhi a’zolari hamda talaba-yoshlar ishtirok etdi. Uchrashuv davomida so‘zga chiqqanlar hozirgi vaqtda yoshlarga yaratib berilayotgan imkoniyatlar, ularning oliy ma’lumotga hamda kasb-hunarga ega bo‘lishi uchun davlatimiz rahbari tomonidan amalga oshirilayotgan islohotlar, shuningdek, o‘zlarining ta’lim jarayonidagi tajribalari, ko‘nikmalari bilan bo‘lishishdi. Shuningdek, yoshlarga bilim olishda yordam beradigan “Ibrat farzandlari”, “Mutolaa” kabi dasturlardan foylanishlari tavsiya qilindi. Kambag‘allikni qisqartirish va ehtiyojmand oilalarni qo‘llab-quvvatlash borasida amalga oshirilayotgan ishlar borasida ham to‘xtalib o‘tildi. Tadbir yakunida talaba-yoshlar tomonidan berilgan savollarga batafsil javoblar berildi.