2025-yil 7-mart kuni Jizzax politexnika instituti va T.F.Gorbachyov nomidagi Kuzbass davlat texnika universiteti o‘rtasida ilmiy hamda texnik hamkorlikni rivojlantirishga qaratilgan onlayn uchrashuv o‘tkazildi. Uchrashuvda Jizzax politexnika institutidan Ilmiy ishlar va innovatsiyalar bo‘yicha prorektor J.Abdunazarov, Xalqaro hamkorlik bo‘limi boshlig‘i U.Raxmatov, Energetika va elektr texnologiyasi kafedrasi mudiri I.Xonto‘rayev hamda Fizika kafedrasi assistenti M.Eshkulovlar ishtirok etdi. Ikki tomon vakillari ilmiy va texnik yutuqlar bo‘yicha taqdimotlar qilishdi hamda xalqaro hamkorlik va tajriba almashishning ahamiyati haqida fikr almashdilar. Uchrashuv davomida qo‘shma ilmiy loyihalar va tadqiqotlarni amalga oshirish bo‘yicha kelishuvlarga erishildi. Hamkorlikning istiqbollari muhokama qilinib, yangi innovatsion loyihalar ustida ishlashga kelishildi. Mazkur uchrashuv ikki tomonlama hamkorlikni mustahkamlash va ilmiy sohada yangi yutuqlarga erishish uchun muhim qadam bo‘ldi.