Uchrashuvda Jizzax politexnika instituti rektori Usmankulov Alisher Kadirkulovich, Ilmiy ishlar va innovatsiyalar bo‘yicha prorektor Jamshid Abdunazarov, Xalqaro hamkorlik bo‘limi boshlig‘i Utkirjon Raxmatov, Energetika va elektr texnologiyasi kafedrasi mudiri Ikrom Xonto‘rayev, Fizika kafedrasi assistentlari Muhriddin Eshqulov hamda Sherzod Qushakovlar ishtirok etishdi. Uchrashuvda Jizzax politexnika instituti va “Sinoma Wind Power Blade Co., Ltd.” oʻrtasidagi hamkorlikning mumkin boʻlgan yoʻnalishlarini, jumladan, talabalar va bitiruvchilarning amaliyot oʻtashlarini tashkil etish, muqobil energiya va shamol energetikasi sohasida qoʻshma ilmiy loyihalar hamda oʻzaro hamkorlikning boshqa shakllari muhokama qilindi. “Sinoma Wind Power Blade Co., Ltd” kompaniyasi vakillari imkoniyatlarimiz bilan tanishish, shuningdek, muqobil energiya sohasida istiqbolli hamkorlikni muhokama qilish maqsadida “Muqobil energiyalarni tadqiq etish ilmiy-amaliy markazi”ga tashrif buyurishdi. Mazkur uchrashuv ikki tomonlama hamkorlikni mustahkamlash va ilmiy sohada yangi yutuqlarga erishish uchun yana bir muhim qadam bo‘ldi.