Tanlovda barcha fakultetlardan iqtidorli talabalar ishtirok etib, o‘z bilim va mahoratlarini “Bilimdon kitobxon”, “Annotatsiya mahorati” hamda “Kitobxonlik madaniyatini targ‘ib etish” kabi shartlarda namoyish etdilar. Bahs-munozaralarga boy jarayonlar yoshlarning intellektual salohiyatini yanada ochib berdi.

Yakuniy natijalar esa quyidagicha bo‘ldi:
1-o‘rin —Pulatova Gulzayda, Kibersport muhandisligi fakulteti, 511-24 guruhi talabasi;
2-o‘rin — Fayzullayeva Gulsevar, Sanoat texnologiyalari fakulteti, 381-25 guruhi talabasi;
3-o‘rin — Berdimurdova Diyora, Energetika muhandisligi fakulteti, 421-25 guruhi talabasi.

  Tadbirning asosiy maqsadi — talabalarda kitobxonlik madaniyatini shakllantirish, badiiy adabiyotga mehr uyg‘otish hamda erkin fikrlovchi, ijodkor yoshlarni qo‘llab-quvvatlashdan iborat bo‘ldi.

Bunday tanlovlar yoshlar orasida kitobga bo‘lgan qiziqishni oshirib, ularning ma’naviy dunyosini boyitishga, tafakkurini yuksaltirishga xizmat qilmoqda.