Jizzax politexnika institutida “Milliy qadriyatlar va ularning millat ma’naviyatidagi o‘rni” shiori ostida “Unsin” filmi namoyish etildi. Mazkur film yozuvchi Sh. Norqulovning asari asosida “Mutolaa” loyihasi tomonidan suratga olingan bo‘lib, o‘ziga xos falsafiy mazmuni, milliy ruhdagi hikoyasi bilan talabalar e’tiborini tortdi.

Film davomida tomoshabinlar o‘z-o‘zidan jiddiylikka cho‘mib, jimlikda davom etadigan voqealarni kuzatishni istab qoldi. Hikoyaning nomi nega aynan “Unsin” deb qo‘yilgani, undagi qorong‘u qabriston manzarasi, bo‘ronli tun va Unsin obrazining jasorati — bularning barchasi talabalarni chuqur o‘yga toldirdi.

Asarni o‘qigan va filmni tomosha qilgan yoshlar bir ovozdan Unsin obrazining nafaqat o‘tmishdagi, balki bugungi kun qizlari uchun ham dolzarb ma’naviy xabar borligini ta’kidlashdi.

Kino asosidagi hikoyada dodxo va uning uyidagi milliy an’analar, sandal atrofidagi muloqotlar, tun yarimida eshitilgan shamolning o‘tkir ovozi, odam ruhiyatidagi qo‘rquv va qat’iyat chiroyli tasvirlangan. Go‘riston manzaralarining tasviri esa tomoshabinlarda insonning hayot, o‘lim, jasorat va e’tiqod haqidagi mulohazalarini yanada kuchaytirdi.

Mazkur tadbir talabalarda ma’naviy fikrlash, milliy o‘zlikni anglash va badiiy asarlarni teran idrok etish ko‘nikmalarini yanada mustahkamladi.