Jizzax politexnika instituti “Tabiiy tolalar va matoga ishlov berish texnologiyasi” kafedrasi dotsenti Ulug‘muradov Xamroz Yusuf o‘g‘li Hindiston Respublikasida tashkil etilgan xalqaro malaka oshirish dasturida muvaffaqiyatli ishtirok etib qaytdi.

U ITEC (Indian Technical and Economic Cooperation) dasturi doirasida Hindistonning Caimbatore, Tamil Nadu shahrida joylashgan SOUTH INDIA TEXTILE RESEARCH ASSOCIATION (Janubiy Hindiston To‘qimachilik Tadqiqotlari Assotsiatsiyasi)da o‘tkazilgan “EMERGING AREAS IN TECHNICAL TEXTILES” – *“Texnik to‘qimachilik sohasida rivojlanayotgan yo‘nalishlar”* nomli 2 haftalik malaka oshirish kursida qatnashdi.

📚 Mazkur dastur davomida zamonaviy texnik to‘qimachilik texnologiyalari, innovatsion materiallar, ishlab chiqarish jarayonlaridagi yangi yondashuvlar hamda sohaga oid ilg‘or ilmiy ishlanmalar bo‘yicha bilim va tajribalar o‘rganildi.

🌍 Xalqaro malaka oshirish dasturida ishtirok etish institut professor-o‘qituvchilarining ilmiy salohiyatini oshirish, zamonaviy bilim va tajribalarni o‘quv jarayoniga tatbiq etish hamda xalqaro hamkorlikni rivojlantirishga xizmat qiladi.