NTTKHI prezidenti Vang Daofeng va Partiya qoʻmitasi kotibi oʻrinbosari Ven Aimin institutimiz delegatsiyasini samimiy qabul qildi. Kunning birinchi yarmida institut kotib oʻrinbosari Ven Aimin Oʻzbekiston delegatsiyasini institutning avtomobilsozlik, logistika va temir yoʻl oʻquv xonalari hamda milliy virtual simulyatsiya laboratoriyalari bilan tanishtirdi. Kunning ikkinchi yarmida Nankin Transport-texnologiyasi kasb-hunar instituti hamda Jizzax politexnika instituti o'rtasida do'stona ruhda uchrashuv tashkil qilindi. Ushbu uchrashuv davomida Nankin transport texnologiya kasb-hunar instituti prezidenti Vang Daofeng hamkor institut vakillari institutga tashrifi uchun minnatdorchilik bildirgan holda kelgusidagi samarali hamkorlikka ishonch bildirdi. JizPI delegatsiyasi tomonidan Jizzax viloyati yoshlar texnoparki direktori dotsent T.Berdiyorov so'z olib iliq kutib olish uchun minnatdorchilik bildirib kelgusidagi hamkorlik aloqalarini yanada rivojlantirish bo'yicha o'z fikrlari bilan o'rtoqlashdi. Uchrashuv yakunida tomonlar o'zaro sovg'alar almashishdi.