2024-yil 17-sentabr kuni institut rektori tomonidan 2024-yil 28-avgustda tasdiqlangan “2024/2025-o‘quv yili davomida yoshlar masalalari va ma’naviy-ma’rifiy ishlar yo‘nalishida amalga oshiriladigan vazifalar bo‘yicha yillik kalendar reja”ning 37-bandi ijrosini ta’minlash maqsadida talaba-yoshlar ishtirokida sportning futbol, voleybol, shaxmat, yugurish turlari bo‘yicha Jismoniy tarbiya kafedrasi bilan hamkorlikda “Talabalar ligasi” sport musobaqalari o‘tkazildi. Sport musobaqalarida Qurilish muhandisligi hamda Kimyo muhandisligi fakultetlaridan talaba-yoshlar ishtirok etishdi. Musobaqalarda chaqqonlik, epchillik bilan harakat qilgan jamoalar g‘oliblikni qo‘lga kiritishdi. Musobaqalar natijalari to‘g‘risida institutning telegramdagi rasmiy kanali https://t.me/jizpi_online da ma’lumot berib boramiz.