Test sinovlarini yuqori saviyada va namunali tarzda tashkil etish maqsadida Jizzax politexnika instituti jamoasi oliygoh rahbariyati boshchiligida mazkur jarayonda faol ishtirok etmoqda.

Test sinovlari o‘tkazilayotgan hududdagi ota-onalar kutish maydonida institutning mas’ul xodimlari tomonidan targ‘ibot va tushuntirish ishlari olib borildi.

Muloqotlar davomida ota-onalarga institutning ta’lim yo‘nalishlari, zamonaviy o‘quv va ilmiy infratuzilmasi, xalqaro hamkorlik dasturlari, grant va stipendiya imkoniyatlari, shuningdek, talabalar uchun yaratilgan keng shart-sharoitlar haqida batafsil ma’lumotlar taqdim etildi.

Shuningdek, ota-onalar va abituriyentlarning yaqinlari uchun qulay hamda ko‘tarinki muhit yaratish maqsadida turli ma’rifiy, intellektual va ko‘ngilochar tadbirlar tashkil etilib, ularning mazmunli vaqt o‘tkazishlari ta’minlandi.