Bugun Jizzax politexnika institutida **“Iqlim barqarorligi va zamonaviy suv texnologiyalari”** mavzusidagi xalqaro yozgi maktabning ochilish marosimi bo‘lib o‘tdi.

Tadbirda **Eron Islom Respublikasining Sharif Texnologiyalar Universiteti** hamda **Xitoy Xalq Respublikasining Shihezi universiteti** professor-o‘qituvchilari va talabalari, shuningdek, Jizzax politexnika instituti ma’muriyati va professor-o‘qituvchilari ishtirok etdi.

Tadbirni institut **Xalqaro hamkorlik bo‘limi boshlig‘i Muhriddin Eshqulov** moderator sifatida olib bordi. Ochilish marosimida institutning **ilmiy ishlar va innovatsiyalar bo‘yicha prorektori Jamshid Abdunazarov** so‘zga chiqib, xorijiy mehmonlar va talabalarni samimiy qutladi hamda yozgi maktab ishtirokchilariga muvaffaqiyat tiladi.

Shuningdek, **Qishloq xo‘jaligi mahsulotlari va oziq-ovqat texnologiyalari kafedrasi o‘qituvchisi Nargiza Nabixo‘jayeva** institut faoliyati, iqlim barqarorligi va zamonaviy suv texnologiyalarining dolzarb jihatlariga bag‘ishlangan ma’ruza bilan ishtirok etdi.

Tadbir yakunida **Shihezi universiteti vakili Dr. Maheshati Nabihan** va **Sharif Texnologiyalar Universiteti vakili Dr. Hani Sadirhosseini** o‘z fikr-mulohazalari bilan o‘rtoqlashib, xalqaro hamkorlik va tajriba almashinuvining ahamiyatini ta’kidladilar.